O Programa de Apoio á Xestión Urbana Sustentable (PAGUS) é unha Operación
Marco Rexional (OMR) que se desenvolveu no ámbito da zona Sur do Programa
INTERREG III-C da Comisión Europea.
O seu obxectivo principal é desenvolver estratexias e instrumentos comúns
para a rehabilitación sustentable e desenvolvemento dos centros históricos
das cidades europeas a través de diferentes tipos de accións integradas.
A modalidade de intervención da Operación Marco Rexional fundaméntase
na acción coordinada das autoridades rexionais do programa para fomentar,
apoiar e facilitar a acción concertada de entidades locais destas mesmas
rexións que resultan beneficiarias de proxectos concretos.

Antecedentes

A iniciativa Pagus, baixo o liderado de Úmbria (Italia), foi xestándose durante o ano 2003 a partir da experiencia obtida como resultado da realización de obradoiros de rehabilitación en Santiago de Compostela e a colaboración entre técnicos de varias das rexións participantes para estender e enriquecer esta experiencia.
Tras ser aprobada a OMR pola Autoridade Única de Xestión de Interreg III-C Sur, en 2004 subscribiuse o Convenio entre os socios participantes. Nel recóllense os detalles de organización e relación entre os socios rexionais polos que se gobernou este programa. Desde entón, e baixo o liderado de Umbría, executouse o Programa Pagus nun período de 39 meses.

Liñas de actuación dos proxectos

Desenvolvéronse as actividades:

• Accións de mellora da cualificación dos técnicos e responsables administrativos en materia de planificación e xestión de proxectos de renovación urbana.
• Realización e xestión de proxectos de renovación urbana.
• Realización de estudos sobre accesibilidade aos centros históricos.
• Elaboración de proxectos de utilización da comunicación e novas tecnoloxías para a revalorización do uso de centros históricos.

Puxéronse en marcha instrumentos operativos compartidos entre as
52 entidades locais participantes nas seis rexións do programa, fomentando a transferencia de experiencias e prácticas entre os socios participantes.

 Financiamento